Inisyal nga gidepensahan ni John Paul Solano, main suspect sa kamatayon sa UST freshman law student Horatio ‘Atio’ Castillo III ang iyang kaugalingon sa pag-ingon nga siya inosente sa krimen nga nahitabo.
Sa media interview human nitahan sa iyang kaugalingon sa buhatan ni Sen. Panfilo Lacson, gisugilon ni Solano nga usa siya ka registered medical technologist, nga kaduha ka higayon lamang niyang nahimamat ang biktima ug nga igo lamang siyang naghatud kang Castillo sa balay-tambalan niadtong tungora human gisulayan pag-resuscitate si Castillo.
Segun sa iyang abogado, si Solano boluntaryong nipatim-aw ug nitahan sa iyang kaugalingon aron ipakita nga andam niyang atubangon ang akusasyon ug nga dili kini niya talikdan ug nga aduna siyay luwatan nga written statement sa iyang kabahin sa insidente.
Nangayo usab si Solano ug dispensa sa pamilyang Castillo nga nihatag siya’g ‘false statement’ niadtong una nga iyang nakit-an ang patay’ng lawas ni Castillo sa usaka bangketa sa Tondo.
Si Castillo usab gidawat sa hefe sa Manila Police District, Chief Supt. Joel Coronel kinsa nagbutyag nga ang suspect mopa-ilawom na sa kustodiya sa kapulisan.
RadyoMan June Duterte
