Kokoronahan bilang overall champion ang University of Santo Tomas (UST) sa kinanselang University Athletic Association of the Philippines (UAAP) season 82 dahil sa COVID-19.
Ito ay matapos makamit ng UST ang pangkalahatang kampeonato sa limang seniors division na: men’s at women’s beach volleyball; men’s at women’s table tennis; at men’s judo.
Gayunman, wala munang tatanghaling Athletes of the Year dahil marami ang hindi nakapaglaro sa 2019-2020 season.
Makikipag-usap naman si UAAP President Em Fernandez at ang kaniyang hanay sa isang malaking tv network para sa pag-eere ng closing ceremony ng collegiate league sa taong ito.
Facebook Comments
