Patay ang mag-asawa matapos luthangon sa Purok Bougainvillea, Barangay Tamnag, sa banwa sang Lutayan, Sultan Kudarat pasado alas 6:00 sang Dominggo sang aga, Abril 22.
Ginkilala ang mag-asawa nga sanday Jose Ballion kag Marissa Ballion, 26 -anyos pareho residente sang nasambit nga lugar.
Suno kay PSI Herman Luna, chief of police sang Lutayan Municipal Police Station ginsulod sang yara sa lima ka mga suspek ang puluy-an sang mga biktima kag ginluthang ang mga ini.
Suno kay Luna ginatudlo nga suspek naman si Naga Mangudadatu nagapanag-iya sang lending.
Tungod naman sa personal nga utang nga yara sa P10, 000.00 kag wala naremit nga kwarta ang isa sa ginalantaw nga motibo sang kapolisan sa nasambit nga pagpangluthang sa mag-asawa matapos nga collector suno pa ang mga ini ni Mangudadatu.
Sa subong padayon ang imbestigasyon sang Lutayan Municipal Police Station kag pagpangita sa mga suspek nga responsable sa krimen.
Utang / Mag-asawa ginluthang patay.
Facebook Comments
