Roxas City, Capiz- Padayon nga gina-imbestigahan sang kapulisan sang Roxas City PNP ang kamatayon sang isa ka lalaki nga nagatrabaho bilang utility worker sa Capiz Government Business Center.
Nasapwan nga wala na sang kabuhi samtang nagakulob sa kanipaan sa Barangay Banica, Roxas City ang biktima nga nakilala kay Jonathan Caloyloy.
Nag-angkon ini sang pilas sa iya dughan nga kabangdanan sang kamatayon.
Gina-establisar pa sang mga kapulisan kun may yara sang foul play sa kamatayon sang biktima bangud nga wala naman sang nakit-an nga gasgas sa motorsiklo sini nga patimaan nga ini ang natumba.maluwas lamang sa nakakas nga headlight sang motorsiklo sini.
Base sa inisyal nga imbestigasyon sang kapulisan, pauli na sa ila poluy-an ang biktima sa Barangay Tanza Norte, Panay Capiz sang ini ang ginbanggaan kag ginbuno sang wala pa matumod nga suspek.
