Uy: Balik-biyahe giandam pa

43

Davao City – Giandam pa sa lalawigan sa Davao de Oro ang ilang tagsa-tagsa ka mga terminal alang sa pagdawat sa mga pasahero gikan sa nagkadaiyang probinsya sa Rehiyon 11.

Kini ang usa sa hinungdan kung nganong dili madayon ang biyahe sa mga bus nga gitakda na unta sa Lunes, Mayo 25.


Sumala ni Davao de Oro Gov. Jayvee Tyron Uy, nasabutan na sa mga local government unit nga ablihan ang matag-utlanan o boundary aron makasulod ug makagawas na ang mga pasahero ilawom sa guidelines sa General Community Quarantine apan ang ubang mga lugar dili pa andam sa pagdawat tungod kay wala pa maplastar ang ilang mga health protocols kansang tumong niini aron malikayan ang pagtakud-takud sa virus sa higayong modaghan na ang mga tawong moabot.

Giingon ni Uy, kompleto na ang tanan sa ilang tagsa-tagsa ka mga terminal, sama sa gihimo sa Davao City Overland Transport Terminal (DCOTT) alang sa kalusawan sa mga pasahero gikan sa maong balatian gilayon nila tugotan ang balik-biyahe.

RadyoMaN Bernard Pantallon

Facebook Comments