Uy: Cebu hard lockdown gikabalak-an

Davao City – Nabalaka ang liderato sa LGU sa Island Garden City of Samal (IGACOS) sa subling pag-abli sa ilang mga negosyo ug turismo tungod kay adunay duha ka mga indibidwal nga nagpositibo kinsa bag-ong abot nga mga Overseas Filipino Workers (OFW) sa ilang lugar.

Sumala ni IGACOS Mayor Al David Uy nga susama sa nahitabo sa Cebu City, ang iyang gikabalak-an mao nga kung ablihan nila karong July 1 ang ilang borders ug mga establisimyento aron magpasulod og daghang tawo, basin unya og masusama sa Visayas nga kalit mosaka ang kaso sa COVID-19.

Mihangyo si Uy nga kung mahimo, kanselahon una ang flights sa eroplano gikan sa Cebu paanhe denhe sa Davao mientras anaa karon sa hard lockdown ang nahauna aron dili na mokaylap pa ang balatian dinhi sa rehiyon ilabi na sa IGACOS.


RadyoMaN Bernard Pantallon

Facebook Comments