Davao City – Personal sumala pa nga desisyon sa usa ka tawo ang pagsulod diha sa usa ka investment scheme.
Sa pakighinabi sa DXDC RMN Davao kang Jayvee Tyron L. Uy, gobernador sa Compostela Valley Province, gibutyag niini nga personal choice kini sa tawo diin angay niining masusi ang risgo sa maong investment pag-abot sa panahon.
“Dili gyud magpataka og sulod unless you are willing to risk your money. Kay basin og pag-abot sa panahon, since kini nga mga investment scheme dili kini regulated sa gobyerno, pag abot sa panahon nga magkina-unsa ang kumpanya nga imong gisudlan, dili pud mahimong liable ang gobyerno nga mutabang sa atoa,” saysay ni Uy
Gibutyag ni Uy nga subay sa iyang nadungog, daghan ang natabangan sa maong pamaagi apan nabantayan usab niini nga nakaapekto na usab kini sa mga trabaho tungod kay nagsalig na lamang ang nahisgutan sa maong sistema.
Gipasabot sa gobernador nga mas maayo ang pagbaton og stable nga trabaho inay nga magsalig sa maong money-making scheme.
Samtang buot usab sa opisyal nga mas maayong magbaton og legal nga dokumento ang maong mga kumpanya pinaagi sa pag comply og mga papeles sama sa business permit ug uban pa aron mapanalipdan usab kini sa kagamhanan.
“Basta mo-comply lang sila’g requirements, rekisitos sa gobyerno, well and good! Makakuha sila’g mga business permits, well and good. If they can comply those requirements, well that’s better – to be legal. Para kita nga mag invest ani nga negosyo, investment scheme protected pud ta sa gobyerno,” tataw niini.
RadyoMaN Kirby Manzon
