Uy: SAP scheme gubot, sistema gikinahanglan

38

Davao City – Nakaani og negatibong reaksyon karon gikan kang Island Garden City of Samal (IGaCoS) Mayor Al David Uy ang Social Amelioration Program (SAP) sa Department of Social Welfare and Development (DSWD).

Matud ni Uy, usa siya sa daghanang mga Local Government chief executives kinsa gibati og tumang kahasol sa proseso sa DSWD gumikan sa walay klaro nga sistema sa distribution sa first tranche sa SAP.


Segun ni Uy, kanunay siyang makadawat og reklamo gikan sa iyang mga constituents nga sila wala maapil o mahatagan sa hinabang-pinansiyal sa SAP atol sa first releases.

Sumala sa alkalde nga sa panahon sa pandemic daku’g tabang unta ang naasoyng cash assistance sa kagamhanan aron sila makalatas sa mga pagsulay sa kinabuhi hatud sa epekto sa COVID-19 apan sukwahi ra ang kasinatian sa ubay-ubay’ng mga katawhan.

Nasayran nga mukabat pa sa 4,000 ka mga SAP beneficiaries sa Samal wala mahatagan atol sa first tranche.

Dugang ni Uy nga unta una nag-implimentar sa SAP, angay gitun-an kini’g maayo aron nalikayan ang kaguliyang mugna sa mga kakulangon kun lapses diha sa distribution system.

RadyoMaN Joel Viray




Facebook Comments