Davao City- Wala pay kasong napasaka batok kang Police Major Michael Uyanguren nga gireklamo sa pagka-missing sa iyahang house helper nga si Justine Mae Saldua.
Gibutyag ni Police Captain Hazel Tuazon, Davao City Police Office (DCPO) Spokesperson nahuman na ang Special Investigation Task Group sa ikaduhang conference niadtong Biyernes.
Nagpabilin gihapon sa Police Regional Office 11 Regional Personnel Holding and Accounting Section (RPHAS) si Major Uyanguren.
Matud ni Tuazon, gimando ni DCPO City Director Police Col. Alberto Lupaz nga walay i-tolerate nga mga personahe bisan opisyal man kini kung makitang nakasala pasakaan kini’g kaso.
Segun ni Tuazon aron malikayan ang bias ug komportable ang pamilyang mupadayag sa ilahang statement, didto kini sila muduol sa Police Regional Office 11.
RadyoMaN Aimee Guinita
Facebook Comments
