Davao City – Samaran gidala sa Southern Philippines Medical Center ang usa ka uyoan human lubaa sa kaugalingon pag-umangkon nga adik.
Giingong natripan ang biktima nga si Roland Malda, hamtong ang pangidaron ug nagpuyo sa Barangay Langub ning dakbayan.
Gituohan nga posibleng nakahithit og iligal nga droga ang suspek dihang gisuwayan og patay ang biktimang uyoan ala 1:30 sa hapon.
Igo sa tiil ug sa sampot ang biktima busa dali kini gidala sa SPMC aron matambalan ang mga samad dinunggaban nga iyang nahiagoman.
Gisulti sa maong uyoan nga makapila na kahigayon na rehab ang iyang pag-umangkon nga suspek apan kun makagawas mubalik ra gihapon sa bisyo sa illegal nga droga.
Wala pa’y giluwatang pamahayag ang biktima kun mupasaka ba kini og kaso batok sa iyang pag-umangkon.
RadyoMaN Joel Viray
