Davao City – Nagpatabang sa Buhangin Police Station ang usa ka inahan human matud pa gilugos sa iyang manghud ang iyang duha ka anak.
Gisaysay ni Alias Tessie, factory worker ug residente sa Cabantian Buhangin ning syudad, miadto sa ilang balay ang iyang manghud nga si Alias Fernando ug iyang duha lang ka anak ang nabilin sa ilang balay tungod kay nagtrabaho siya.
Matud sa inahan, gimolestiya ang iyang duha ka anak sa ilang uyoan.
Nabulgar ang niluog nga binuhatan sa suspek dihang misumbong ang mga biktima sa ilang inahan.
Sa dihang gikompronta sa inahan ang iyang manghud nga si Fernando, hugot kining milimod ug grabeng suko-a sa maong pasangil ug gikulata na hinoon ang iyang magulang nga si Tessie.
Tungod sa maong reklamo, gisubay na karon sa kapolisan kung tinuod ba ang maong pasangil.
RadyoMaN Joel Viray
