Sa interview sa DXDC RMN Davao kang PMSg. Cristine Mae Retuya, personahe sa Malalag Municipal Police Station, ang suspek mao si alyas Jun, 30 anyos, mag-uuma, samtang ang biktima mao si Daniel Ehem, 53 anyos, minyo, mag-uuma, pulos residente sa Purok 6, Brgy. Pitu, Malalag.
Sa imbestigasyon, alas 8:00 sa gabii sa dihang nanghasi ang biktimang hubog sa iyahang igsoong babae tungod matud pa sa away sa yuta.
“Kadtong victim nga uyoan, nakainom. (Nanghasi) sya sa iyahang igsoon nga babae. Sa report, yuta ang ilahang giawayan,” sulti sa pulis.
Tungod sa pagpanghasi sa uyoan, gibadlong kini sa iyang pag-umangkon, rason nga gikasuko kini sa biktima ug didto na niya gisuwayan og tigbas ang pag-umangkon, apan nakalikay. Didto na mibalos ang pag-umangkon og tigbas nga gikamatay sa iyahang uyoan.
Human sa insidente, gihatag sa suspect ang lagaraw sa igsoon sa biktima ug mi-surrender kini sa awtoridad.
RadyoMaN Kirby Manzon
