Sa interbyu sa DXDC RMN Davao kang Police Major Joenel Pederio, station commander sa Paquibato Police Station, gisaysay niini nga niadtong Biyernes sa dihang na-missing ang biktima, ug nakit-an na lamang kini pagkaugma nga wala nay kinabuhi sa suok nga lugar sa maong Barangay.
Matud ni Pederio, suspek sa krimen mao ang first cousin sa amahan sa biktima nga si Anecito Tupas, 31 anyos, minyo, residente usab sa maong lugar.
Sa pagkakaron, dili pa makumpirma kung gilugos ang biktima, rason nga kini ipailawom pa sa awtopsiya, nga aduna usay pagtugot sa ginikanan.
“Wala pa ‘ta maka-conclude (kung unsay gihimo ngadto sa biktima) kay kinahanglan pa man ‘tong i-autopsy. So, ongoing pa ang autopsy sa atoang medico legal sa atong crime lab,” sulti ni Pederio.
Kagahapong adlawa (Marso 20, 2023) gipasaka na ang kasong murder batok sa suspek human kini gilayon usab nga naaresto sa awtoridad. Samtang, gitakda usab nga ipailawom sa drug test ang suspetsado.
RadyoMaN Kirby Manzon
