Uyoan ug pag umangkon patay human gipamusil

Duha ka tawo patay sa pagpamusil sa Purok 1 Barangay Tambacan alas 5 kapin kun kulang ang takna sa buntag karong adlawa.

Mga biktima nailang si Rio Concepcion, 37 anyos, minyo, apan bulag sa asawa, ug pag umangkon niini nga si Mark Concepcion 22 anyos, single ug usa ka pintor pulos molupyo sa PurokĀ  4 Tambacan ning dakbayan sa Iligan.

Sumala sa amahan sa biktimang siĀ  Mark Concepcion nga si Julieto Concepcion, gikan sa vigil ang mga biktima dihangĀ  gipusil kini sa wala mailang suspetsado gamit ang wala matino nga kalibre sa armas ug dayong sibat kuyog ang usa ka babae sakay sa motorsiklo.


Igo sa tangkugo, dughan ug tiyan ang naangkon sa biktimang si Rio Concepcion diin on the spot kining patay samtang ang pag umangkon nga si Mark, nadala pa sa balay tambalanan apan nakabsan kini sa hiinulamang kinabuhi human maigo sa ulo niini.

Base sa initilalĀ  ngaĀ  imbestigasyon sa SOCO,Ā  gumikan sa sugal ang hinungdan sa maong pagpamusil patay.
Padayon karon ang imbestigasyon sa kapulisan labot sa maong insidente.
*photo by RadyoMan Junrey Ochea

Facebook Comments