Davao City – Gitigbas-patay ang usa ka lalaki human sa grabeng panaglalis sa iyang pag-umangkon sa Purok Angleo, Barangay Palma Gil, Caraga, Davao Oriental alas 9:30 sa buntag niadtong Abril 19.
Sa report gikan sa Police Regional Office kun PRO XI nga base sa inisyal nga imbestigasyon sa kapulisan sa Caraga, naglalis matud pa ang mag-uyuan ug mikuha og bolo ang suspek nga giilang si Daniel Madenancil Calig-onan, 40 anyos, laborer ug pag-umangkon sa biktima nga giilang si Nicomedes Madenancil, 62 anyos dayon gitigbas ang uyuan sa makadaghang higayon igo sa nagkadaiyang parte sa lawas niini hinungdan sa hinanaling kamatayon.
Daling gi-aresto ang suspek ug gikustodiya na sa Caraga MPS samtang gilantaw nga motibo sa insidente mao ang personal nga pagdumot.
RadyoMaN Renz Barbarona
