Davao City- Usa ka pagpangilad ang gihimo ni Senador Antonio Trillanes sa gihimong Senate hearing human mitambong si Davao City Vice Mayor Paolo Duterte ug Atty. Manases Carpio kabahin sa giingong tattoo sa bise mayor nga sakop sa “TRIAD” ug gusto niya makita.
Sumala ni Volunteers Against Crimes and Corruption Chairman Dante Jimenez, dili mamahimong mapugos ni Trillanes si Duterte sa pagpakita sa iyang tattoo tungod kay kalapasan kini sa “Right to Privacy”. Matud ni Jimenez, usa ka Fishing Expedition lamang ang gihimo ni Trillanes ngadto kang Vice Mayor Duterte.
Ingon pa ni Jimenez, dili imbestigasyon sa korapsyon sa Bureau of Customs ang gihimo ni Trillanes kang Duterte kundi usa ka pagpakaulaw.
Samtang gihagit usab ni Atty. Ching Madrid, legal council ni Vice Mayor Paolo Duterte, si Trillanes nga magpakita ug bug-at nga ebidensya kung unsa ang TRIAD tungod kay kaniadto pa kini ug hangtod karon wala pay nakapruweba niini nga grupo. Matud ni Madrid, andam nilang ipakita ang tattoo sa Bise Mayor kung makapruweba si Trillanes kung usa kining gitawag nga TRIAD.
Kasamang Bernard Pantallon
