Davao City – Adunay tulo ka mga managkalahing insidente sa gituhuang mga batang nakabsan sa kinabuhi human napabakunahan sa kontrobersyal nga Dengvaxia vaccine.
Gipamahayag ni Volunteer Against Crime and Corruption (VACC) convenor Dante Jimenez sa pakighinabi kaniya sa tulumanong ‘Straight to the Point’ nga ipa-exhume nila ang patayng lawas sa usaka Christine Mae de Guzman, 10 anyos, kinsa apil sa vaccination niadtong April 6, 2016 apan gikatahong namatay niadtong October 2016.
“Antayin natin ang approval ng Department of Justice (DOJ) at Witness Protection Program (WPP) na tanggapin ang panawagan ng pamilya nila (sa mga biktima),” segun sa anti-crime advocate.
Dugang ni Jimenez nga padayon pa nilang gi-monitor ang laing duha pa ka mga insidente nga gitoohang epekto usab sa maong vaccine.
Gibutyag usab sa anti-crime advocate nga padayon usab silang naglantaw sa imbestigasyon sa Senate Blue Ribbon Committee hearing apan dismayado sila sa padayong panghimakak sa French pharmaceutical giant nga Sanofi Pasteur nga walay namatay sa maong vaccine ug nga luwas kini nga matang sa bakuna alang sa kabatan-onan.
RadyoMaN Jason Amisola
