Sa interbyu sa DXDC RMN Davao Gay Enumerables, Comelec-Davao Region Assistant Regional Director, dili pangitaon sa mga polling precincts ang mga vacccination cards.
Una makasulod ang botante adunay temperature checking nga himoon sa mga medical personnel. Adunay itaganang Isolation Polling Place (IPP) alang sa mga botanteng molapas sa 37.5 degree Celsius ang temperatura ug didto na kini mubotar.
“Naay mga medical personnel kada voting center before makasulod ang mga magboto naa sila diha sa gate mag-check sa temperature. Kung ang iyahang temperature mura’g kalintura na 37.5 ang higher, didto siya paadtuon sa among ginatawag og Isolation Polling Place (IPP).
Subay niini aron masegurong walay mahitabong transmission ug mamahimong luwas ang eleksyon 2022 istriktong ipatuman ang pagsul-ob sa face masks ug adunay ipatumang capacity depende sa gidak-on sa classroom nga magsilbing voting area.
RadyoMaN Aimee Guinita
