Gimandoan ni Mayor Oscar Moreno ang mga health officials nga dalion ang kampanya sa vaccination program alang sa mga frontline health workers ning syudad sa Cagayan de Oro.
Kini nga mando sa mayor human mi-abot sa Department of Health Region 10 ang 27,600 ka doses sa Sinovac vaccine gikan sa nasundong kagamhanan.
Matud sa Mayor nga kinahanglan  matapos na ang pagpamakuna sa tanang frontline health workers sa labing daling panahon aron isunod dayon  ang vaccination operation alang sa mga senior citizens.
Gipasabot sa mayor nga mokabat sa kapin 100-thousand ka senior citizens ning syudad ang naghulat nga mabakunahan silbing panagang sa epekto sa hulga ug makamatay nga Covid-19.
Facebook Comments
