Vaccination sites sa mga paaralan sa Navotas, ililipat na bilang paghahanda sa face-to-face classes

Aalisin na ng Navotas City government ang vaccination sites sa mga paaralan bilang paghahanda sa face-to-face classes.

Simula bukas, Marso 14, isasagawa na ang pagbabakuna sa Tangos Health Center mula sa San Jose Academy.

Unti-unti nang ililipat ng ibang lugar ang vaccination sites dahil kailangan nang gamitin ang mga paaralan.

Samantala, sa tala ng City Health Office, 208,202 na ang nakatanggap ng first dose ng COVID-19 vaccine sa lungsod.

Sa bilang na ito, 202,782 ang nakakumpleto na ng dalawang doses at 51,124 na ang nakatanggap ng booster.