Davao City – Lahi-lahi man ang pamaagi sa pag-selebrar sa Valentine’s Day apan ang tumong usa ra: Kana mao ang pagpadayag sa gugma sa mga tawong nagkahigugmaay.
Matud ni Parents Mobilization Action Group President Febe Matthew, nasaypan og sabot sa kadagahanan ang buot ipasabot sa gugma nga ilang ginahimo matag Valentine’s Day.
Matud ni Matthew, ang pinaka-common nga buhat sa magtrato mao ang paghatag og bulak ug tsokolate ug pagsulod sa bugnawong dapit aron didto magsawo sa lawasnong ilibgon.
Segun ni Matthew, daku’g kalainan ang Valentine’s Day kaniadto ug karon kay sa karaan konserbatibo apan karon ang mga kabataan sayon ra kaayo mag-inambitay sa sexual relations.
Impluwensiya sa teleserye ug sa social media ang nagpausab sa definition sa gugma ug nagpahugaw sa isipan sa mga millennials karon.
Mao kini ang hinungdan nganong inig human sa Valentine’s Day, daghan sa mga kabataan ug sa mga magtrato pa lang sayo magmabdos ug mahimong mga ginikanan sa wala damha nga panahon.
Alang kang Matthew, ang gugma walay kondisyon, dili mahitungod sa pisikal lamang ug nga ang gugma dili lamang himoon ang Valentine’s Day apan sa tanang panahon.
Matud ni Matthew, usaka dakung hagit karon sa mga ginikanan ug sa mga anaa sa simbahan ang pagkorehir sa sayop nga pag-sabot diha sa gugma aron matul-id ang mga kabataan sa ilang panglantaw sa gugma.
RadyoMaN Joel Viray
