Inanunsyo ng Valenzuela City government na hanggang ngayong araw na lang muna ang pamamahagi ng mga vaccination appointment para sa 1st dose ng COVID-19 vaccine.
Ayon sa lokal na pamahalaan, ito ay habang hinihintay ang karagdagang supply ng bakuna laban sa COVID-19.
Tiniyak naman ng Valenzuela Local Government Unit (LGU) na walang dapat ipag-alala ang mga hindi pa nababakunahan dahil may mga darating pang bakuna.
Tuloy naman ang mga naka-schedule na tumanggap ng kanilang 2nd dose ng lahat ng brand ng COVID-19 vaccine.
Samantala, nasa 1,583 naman ang naitala ngayong aktibong kaso ng COVID-19 sa lungsod kung saan 179 ang bagong nadagdag na nahawaan ng virus habang 240 ang mga bagong gumaling.
Facebook Comments
