Davao City – Duha ka bulan una ang 2019 midterm elections karong Mayo 13 gipagula ni Presidente Rodrigo Duterte ang narco-list Huwebes sa gabii, Marso 14, atol sa Command Conference uban ang mga dagkong opisyales sa militar ug pulis dinhi sa Davao City.
Ginganlan sa pangulo ang 46 ka mga politikong giingong nalambigit sa iligal nga droga diin 33 niini mga pangalan sa mga mayors, 8 ka bise-alkalde, 1 board member ug usa ka ex-mayor.
Gisulti niini nga kasong administratibo ang gipasang-at sa Department of the Interior and Local Government (DILG) sa Office of the Ombudsman niadtong Marso 14.
Kapin 80 ka mga personalidad ang anaa sa latest Narco-list apan katunga ra niini ang gibutyag sa presidente sa publiko tungod kay gikinahanglan pa kini ma-beripika.
“I’m not really interested in releasing it before or after the elections because I don’t have the slightest intentions of hurting anybody or to be a cause of the failure of an election of a certain man who wants to serve the public,” sumala niini.
Gitinguha matud pa sa administrasyon ang mapahibalo ug maprotektahan ang mga botante batok sa mga narco-politicians karong piniliay.
RadyoMaN Aimee Guinita
