Base sa report sa Davao City Police Office (DCPO), ang mga naangol mao ang menor de edad nga drayber sa motorsiklo ug ang tulo ka pasahero nga sila alyas “Irish,” 29 anyos; alyas “Raymund,” 36 anyos; ug usa ka bata nga 7 anyos, nga pawang mga residente sa Brgy. 8-A sa maong dakbayan.
Sa inisyal nga imbestigasyon sa kapulisan, nasayran nga ang motorsiklo gikan sa Purok 10 paingon sa Toril Proper, samtang ang van gikan sa Toril Proper padulong sa Camanse, Toril. Pag-abot sa dapit sa insidente, nabulasot ang duha ka ligid sa van sa sementadong gutter ug wala makontrolar sa drayber ang steering wheel, hinungdan nga nabanggaan niini ang atubangan nga bahin sa motorsiklo.
Tungod sa kakusog sa impact, natumba ang motorsiklo sa sementadong dalan samtang ang van usab mibangga sa usa ka punoan. Tungod niini, ang drayber ug mga pasahero nakasinati og nagkadaiyang samad ug padayon karon nga ginatambalan sa maong ospital.
RadyoMan Don Pulayao
