Davao City – Nabalintong ang usa ka Isuzu Crosswind sa may Mc Arthur Highway Toril ning siyudad bandang alas 11 kagabii.
Sa rekord sa kapolisan ang maong van gi maneho ni Precilo Cabale Jr., 30 anyos, ulitawo ug residente sa Purok 4 San Vicente Asuncion Davao del Norte.
Sumala pa nga ang maong sakyanan gikan sa Digos ug pag abot sa may Toril wala kini makabantay nga aduna diay usa ka stock pile nga walay early warning device hinungdan nga aksidente niya kining naligsan ug nabalintong ang iyang gimanehong sakayanan tungod sa kakusog usab sa iyang padagan.
Hinoon luwas man ang driver ug naka angkon lang ug gagmayng garas sa nagkadaiyang parte sa iyang kalawasan.
Gawas niini wala usab napagan nga mga katawhan ug lain pang sakyanan.
Ginasuta pa kun kinsa kadtong stockfile nga anaa daplin sa dalan ug kung pila ang damyos sa maong sakyanan.
RadyoMaN Paul Canono
