Davao City- Gipangligsan ang van ug taxi sa usa ka mixer truck nga nawad-an og preno kaganihang alas 12:00 sa kadlawon sa may Catalunan Grande Davao City.
Sumala ni Police Corporal Ronald Relativo, PS3 Talomo Police Station Traffic Investigator atol sa interbyu sa DXDC, gikan sa Brgy. Catalunan pa-CP-garcia highway Bangkal Davao City samtang nagpaabot ang taxi ug van nga mag-green light ang Traffic Light nilahos ang maong mixer truck ug napagan ang maong mga sakyanan.
Angol ang drayber nga si RODELO ALVAREZ SUACASA, 43 anyos, taga-Surallah, South Cotabato sa pagkabalintong sa gidrayban niining mixer truck.
Samtang luwas ang mga sakay sa van ug ang taxi driver sa disgrasya.
Segun ni Relativo, plano sa mga involved sa maong vehicular accident nga magareglo ug dili na magpasang-at pa og kaso batok sa drayber sa mixer basta tubagon ang mga damyos sa sakyanan.
RadyoMaN Aimee Guinita
Facebook Comments
