Davao City – Suportado sa Davao City Council Committee on Health ang kamandoan ni Presidente Rodrigo Duterte nga hingpit nang i-ban ang paggamit og smoking vape sa tibuok nasud.
Gi-uyonan ni 3rd District Councilor Joselle Villafuerte ang pamahayag ni Pangulong Duterte nga ang aso sa vape makadaot sa abaga sa tawo diin aron daghan ang masalbar angay lang i-ban ang paggamit niini.
Gikontra ni Villafuerte ang argument sa mga vaping smokers nga dili makadaot sa lungs ang aso sa vape tungod walay sambog nga kemikal ang maong artificial nga sigarilyo.
Matud sa Konsehala, dili tinuod nga walay kemikal ang vape ug gani daghan sa mga amerikano ang nag-sakit sa abaga ug ang uban nakabaton og asthma sama sa 16 anyos nga batang lalake.
Bisan paman niini, girespetar gihapon sa local legislator ang barugan sa mga vape smokers apan nagpa-bilin ang lig-on nga barugan sa opisyal nga makadaot sa panglawas ang vape nga angay likayan sa tanan.
Wala dirikta gitubag ni Councilor Villafuerte ang pangutana kung dapat na bang rebyuhon ang mga pali-siya sa anti-smoking, apan sigun niini angay pangsikupon ug manubag sa balaod ang mga mugamit ug migamit sa vape smoke.
RadyoMaN Joel Viray
