Davao City – Nasikop sa kapulisan sa San Pedro PNP ang usa ka tao nga dunay standing warrant of arrest alas 9:00 sa buntag sa Sutherland building Quirino Ave. corner Jacinto Extension St. ning dakbayan.
Subay sa report, nagpatabang sa kapulisan ang usa ka complainant nga naila sa pangalan Clea Lavesoris, 26 anyos, usa ka call center agent, hinungdan daling gi-respondehan sa kapulisan bitbit ang warrant of arrest nga merisulta sa pagkasikop sa suspek.
Ang mao si Arthur Christopher Centeno, 30 anyos, adunay kasong kalapasan sa section 5 sa Republic Act 9262 kun Anti-Violence Against women and their Children Act of 2004 nga dunay bailbond nga 25,000-mil ka pesos, pinirmahan ni Executive Judge Eduardo Taguangco sa Regional Trial Court branch 89 sa Bacoor City.
Ang dinakpan balhog na sa selda sa San Pedro police station.
RadyoMaN Don Pulayao
