VAXCERTPH booth gimontar sa mga mall sa Davao

Davao City – Mamahimo na nga makakuha ang publiko sa ilang VaxCertPH pinaagi sa booth nga gimontar sa mga mall sa syudad sa Davao.

Gibutyag ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), anaa karon ang mga VaxCertPH booth sa SM Lanang, SM Ecoland, Abreeza Ayala Mall, Gaisano Mall Bajada ug Gaisano Mall Toril.

Matud ni Schlosser, magamit ang VaxCertPH isip vaccination proof alang niadtong mga mubiyahe abroad o pagpresenta niini sa mga Local Government Unit (LGU) nga nanginahanglan o nag-require niini.

“Wala na gyoy rason nga maglisod sila og download sa online (sa VaxCertPH), maglisod sila’g avail sa online. Now we already put up a booth sa mga malls which is very accessible from Noth, South na mga areas,” matud ni Schlosser.

Ang VaxCertPH nagbaton sa holder’s personal data, brand ug lot number sa bakuna, lugar ug petsa kanus-a na-administer ang bakuna. Aduna usay QR code ang VaxCertPH nga magamit aron ma-match ang data sa Vaccination Information Management System, usa ka central database sa tanang LGUs.

RadyoMaN Kirby Manzon