Vcm Technician Sa Zamboanga Del Sur Wala Pa Nakadawat Sa Honorarium

9

ZAMBOANGA DEL SUR – Ang Grupo sa Vote Counting Machine (VCM) Coordinators ug techenichians sa Zamboanga del Sur nagpatabang sa RMN Pagadian dihang hangtud karun wala pa sila mabayri , usa ka bulan human ang May 9 Elections.Ang VCM Technician sa Bagalupa Labangan usa sa nireklamo sa pagkalangan sa pagpagawas sa ilang honorarium.Sa interview sa RMN Pagadian, gisugid niini nga misulay sila sa pagpakigkutay sa ilang provincial coordinators apan dili kini makontak ug kun makontak dili usab tagdan ang ilang tawag.Nakahukom ang pipila nga magpatabang sa Municipal Election Officer, sa Interview sa RMN kang Atty. Ellis Miguel ang Comelec Superviso , tulo na ka comelec officer gikan sa mga lungsod probinsya ang mipahibalo kaniya sa samang problema.Nasayran nga ang Comelec nakigkontrata sa Smartmatic diin nasabutan nga ang Smartmatic mao ang mangita ug mga techinicians sa VCM rason nga gikakontrata niini ang I-Plus Intelligent Network nga nakabase sa kauluhan.Ang News Team sa RMN Pagadian misulay pagkutay ngadto sa mga number nga gihatag sa mga nagrklamo apan pakyas kini nga makontak.Nadismaya ang mga VCM technicians ug coordinators human ang kahago niadtung nakalabay nga piniliay dala ang pasalig nga makadawat sila ug 5000 ngadto sa 8000 pesos.

Facebook Comments