Davao City – Ikunsidera gilayon nga posibleng COVID-19 kung duna nay ginabati nga subaw o flu-like symptoms gumikan sa lahi-lahi nga lakat sa panahon.
Sa interbyu kang DOH Usec. Dr. Leopoldo Vega sa tulumanong Straight to the Point uban si RadyoMaN June Duterte, giingon niini nga kung mamahimo mupailawom sa antigen testing o RT-PCR test kung dunay simptomas.
Gani tambag niini nga di nalang usa mugawas ug mag-isolate aron malikay makatakod sa uban.
Samtang giklaro ni Vega nga epektibo ang paggamit sa facemask ug di na kinahanglan ang double masking depende sa klase nga gigamit.
Dugang sa doctor nga hybrid masks ang angay gamiton o ang N95, KN95 o KF94 klase nga mga facemasks inay sa mga bisan unsa nga panapton aron matabunan lang ang ilong ug baba aron malikay sa pagkatakod.
RadyoMaN Jason Amisola
Facebook Comments
