VEHICULAR ACCIDENT | Isa ang patay kag isa ang pilason sa aksidente sa motorsiklo sa banwa sang Guimbal.

31

Isa ang patay kag isa ang pilason matapos madisgrasya sa ila ginasakyan nga motorsiklo sa banwa sang Guimbal alas 12 pasado kaina sang udto.
Ginkilala ang napatay nga si Mylene Tabumfama, 25 anyos sang Barangay Balicua, Tubungan, IIoilo, isa ka food checker sa isa ka restaurant sa Arevalo.
Samtang pilason naman ang driver sang motorsiklo nga ginkilala kay Ricky Patingana sang banwa sang Miag-ao . Ginpahayag ni Police Sr. Inspector Antonio Monreal, hepe sang Guimbal PNP nga padulong sa banwa sang Tubungan ang motorsiklo sang mga biktima kon sa diin nagasunod sila sa isa ka truck nga ginamaneho ni Bernardo Evido, 29 anyos sang Particion, Guimbal sang mag-overtake ang motorsiklo.
Subong man natumba ang motorsiklo kag nagtabug ang backrider nga si Mylene Tabumfama kag nalasak sang goma sang truck.
Gilayon nga gindala sa Guimbal District Hospital si Tabumfama apang gindeklarar ini nga dead on arrival.
Luwas naman sa katalagman ang driver sang motrosiuklo samtang ang driver sang truck nga si Evido ang yara sa kustodiya sang Guimbal PNP kag magapangatubang sang kaso nga reckless imprudence resulting to homicide.
#tatakRMN www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBMMjAAhDk0JTBV2X_oSF-cUDS4nPkjCOEMD5gaQAr31yDYNpsND7_GoIH5G03yQgqN64ZLSdlUv_M4Q8UoxAw-3Fxl1KYQH-rVevOOEGlRHa-RtRCF…>

Facebook Comments