South Cotabato—Patay ang magsuon human sa natigayong disgrasya sa kadalanan sa may Crossing Solomon, Barangay Panay Sto. Niño, South Cotabato kagahapon sa buntag.
Giila ang mga biktima nga silang si JV Aguilar, 21; ug Joshua Aguilar, 16, pulos residenti sa maong lungsod.
Sa inisyal nga imbistigasyon sa kapulisan nasuta nga sakay sa topdown ang mag-igsuon, apan pag abot sa lugar nawad-an matud pa ug control sa manibela ang driver.
Didto na kini nabangaan sa wing van truck, hinungdan nga nangalagpot ang duruha, grabeng samad sa kalawasan ang naangkon sa mga nahisgutan nga hinungdan sa ilang kamatayon.
Sa karon anaa na sa kustudiya sa Sto. Niño Police Station ang driver sa Van, samtang nagpadayon pa usab ang imbistigasyon sa kapulisan kalabutan sa insidenti.
