Kritikal ang kondisyon sang driver sang Motorsiklo samtang yara na sa maayo nga kahimtangan ang duha sini ka angkas matapos nagbunggu-anay sila sang L-300 Van sa Rumbang, Pototan mga alas 11 pasado kaina sang aga (Pebrero 4).
Padayon nga ginabulong sa Iloilo Provincial Hospital sa banwa sang Pototan ang driver sang motorsiklo nga si Michael Angelo Dapat, 17 anyos sang barangay Moroboro, Dingle samtang luwas na sa katalagman ang duha niya ka angkas nga sanday Jeremy Paredes, 21 anyos sang Rumbang, Pototan kag Brix Cordero 17, anyos sang Barangay Zarague, Pototan.
Bumunggo ang nasambit nga motorsiklo sa L-300 van nga ginamaneho ni Michael Villegas, 45 anyos sang Rumbang, Pototan sang magliko ini pakadto sa gasolinahan sa tabuk sang Provincial Hospital.
Bangud sini, kritikal ang kondisyon sang driver sang motor kag padayon nga ginabulong sa ospital.
