VEHICULAR ACCIDENT | MOTORSIKLO NAKABUNGGO SA GINASUNDAN NGA TRUCK…… DRIVER SANG MOTOR, PATAY.

Isa naman ka aksidente sa dalanon ang nagluntad sa banwa sang Pototan sini lamang nga gab-i (Enero 25) kon sa diin patay gid ang driver sang motorsiklo.

Ginkilala ang biktima nga si Noli Mar Palombarit, 24 anyos sang barangay Tumcon Ilawo, Pototan.

Ginpahayag ni PO2 Raffy Gonzales nga natabu ang aksidente alas 7:30 sini nga gab-i sa Barangay Cansilayan, Pototan, kon sa diin nagasunod ang motorsiklo sa isa ka truck nga ginamaneho sang tag-iya nga si Jose Rey Tablason, sang Molo, Iloilo City.


Suno kay Gonzales nga nagtuyo nga ma-overtake ang motorsiklo sa truck apang may nagasugata nga salakyan kabangdanan nagbalik sa lugar ang motorsiklo.

Subong man, bumunggo sa buli snag truck ang motor kabangdanan nga natumba ini kag nabagnus sa semento ang ulo sang biktima kabangdanan nga na-deform ang ulo sini kag gintunaan sang iya kamatayon.

Facebook Comments