Vehicular accident sa El Salvador City, duha na ang patay

63

Duha na ang patay sa nahitabong vehicular accident sa El Salvador City, Misamis Oriental nga nahitabo mga alas 7:20 kagahapong adlawa.

 

Kini ang gibutyag ni PO1 Junmer Pilobo, Desk Officer sa El Salvador City Police Station sa interview sa dxCC-RMN Cagayan de Oro.

 

Matud ni PO1 Pilobo nga kagahapon sa hapon namatay sa ospital ang 58 anyos nga si Rolando Macapayag nga taga Zone 3, Barangaray Poblacion, El Salvador City nga maoy driver sa motorsiklo nga dunay side car nga nabanggaan sa Toyota innova.

 

Samtang ang 25 anyos nga anak niini nga si Russel Lyca ang padayon pang giatiman sa mga doktor sa pribadong ospital.

 

Mahinumduman nga patay nang nadala sa Northern Mindanao Medical Center si Felipe Solomon, 53 anyos, ang pedestrian nga nabanggaan usab sa maong motorsiklo nga dunay side car sa dihang nabalintong sa makatulong higayon human nabanggaan sa Toyota Innova.

 

Sa karon naa pa sa kustodiya sa kapulisan sa El Salvador City ang driver sa Toyota Innova nga si Abegail Lituañas, 25 anyos, empleyado sa Edison Electric ug nagpuyo sa Barangay Nazareth ning syudad.

 

Nakatakdang pasakaan og kasong reckless imprudence resulting in homicide si Lituañas karong adlawa.

Facebook Comments