Davao City- Nakatala og kapin 4 mil ka mga aksidente ang Davao City Police Office Traffic Group sugod miadtong Enero hangtod bulan sa Hunyo ning tuiga.
Sumala ni DCPO Traffic Group Chief Police Superintendent Ernesto Castillo nga sagad sa malambigit niining mga aksidente sa kadalanan mao ang mga pribadong sakyanan, motorsiklo ug mga taxi.
Gitumbok ni Castillo nga sagad hinungdan sa mga mahitabong disgrasya sa kadalanan tungod sa mga kaskaserong drayber ug wala pagsubay sa balaod trapiko.
Segun ni Castillo nagkaubos ang ihap sa matala nga mga aksidente sa kadalanan kada bulan kini base sa ilang datos gani niadtong Mayo karong tuiga dunay 1206 vehicular accidents sa syudad itandi sa bulan nga hunyo diin aduna lamang 1056 ka mga disgrasya sa kadalanan.
Kasamang Aimee Guinita
