Davao City – Gisuta na karon sa Buhangin Police Station ang ugat hinungdan kung ngano gikulata ang usa ka vendor sa hubog nga babaye.
Una niini, nagpatambal sa Southern Philippines Medical Center (SPMC) ang biktima nga si Ryah Christine Casile, 24 anyos, dunay kapuyo, vendor, ug nagpuyo sa Prestige Subdivision, Amakan, Cabantian ning syudad gumikan sa mga bun-og nga nahiagoman.
Sa report, samtang nagkugos sa iyang anak ang biktima gawas sa ilang panimay kalit mibutho ang suspek nga si Moymoy Villamor ug residente sa samang dapit ug walay daghang istorya kalit gidagmalan ang maong ginang nga nahitabo alas 6:00 sa gabii ug gitohoang hubog ang suspek.
Tungod niini, moduso og kaso ang biktima batok kang Villamor.
RadyoMaN Joel Viray
Facebook Comments
