Davao City- Mas gipalapdan sa Calinan PNP ang ilang imbestigasyon kalabot sa pagpusil-patay sa usa ka vendor nahitabo alas 3:30 sa hapon kagahapon, October 3, 2021 sa Calinan Riverside ning syudad sa Davao.
Sa esklusibong interbyu sa DXDC RMN Davao kang Police Major Jake Goles, Station Commander sa Calinan PNP, naila ang biktima nga si Ruben Ferraren, 54 anyos diin subay sa inisyal nga imbestigasyon samtang nagbiyahe ang biktima sakay sa owner type jeep kauban ang iyang asawa, dunay kalit mitapad sa ilaha nga naka-motor diha pag-abot sa Mt.Apo Memorial Garden ug gipusil sa backrider ang biktima.
Dali misibat ang mga suspek samtang gidala dayon sa ospital ang biktima apan dead on arrival na kini.
Sumala sa Calinan PNP, posibleng personal nga bangi o selos ang motibo sa krimen.
RadyoMaN Don Pulayao
