Cong. Ace Barber nangutana kang Ronald Realiza nga kasamtangang gihawiran karon sa Witness Protection Program (WPP), kung unsa ang iyang nahimong trabaho sa panghitabo sa dinhi sa atong probinsya sa Zamboanga del norte.
Butyag pa ni Realiza, usa siya sa mga asset sa Pnp Dipolog gikan 2012-2014, ug nabutang siya sa witness protection program (WPP) tungod kay siya ang gigamit matod pa ni Gov. Berto Uy ug SPO2 Roy Vertudes sa pagbuhat ug krimen sa Zamboanga del norte sama sa pagbaligya ug droga, ug mo tabang usab siya isip spotter kung adunay patyon nga tawo nga kung diin matod pa mando ni Gov. Uy.
Dugang pa ni Realiza, nahimong siyang spotter sa pagpatay kang Carl Limlim Barera niadtong 2013 nga kung diin mao kadtong una nga pagpatay nga siya ang spotter sa target, ug si Roy Bertudes ang nagsugo matod pa kini sa salaysay ni Realiza sa dihang gipangutana siya ni Robert Ace Barbers.
Apan hugtanon kining gihimakak ni SPO2 Roy Vertudes nga asset niya si Ronald Realiza, sukwahi sa pamahayag ni Realiza nga usa siya sa mga asset ni Vertudes, hinuon ni angkon si Vertudes nga adunay siya’y mga asset apan walay kalabutan si Realiza, naila lamang niya kini tungod sa pagka noturyos nga drug pusher.
Dugang pa ni Vertudes kung asset niya si Realiza nganong nadakpan man kini tungod sa droga ug sa paghupot sa armas.
