Ta esta cancelao el viaje del mga lancha para na mga isla aqui na rehiyon este dia. Asegun con el Zamboanga City Coast Guard Station Commander LT/CDR Alvin Dagalea, ayer tarde sila ya decidi cancela el viaje del mga se llama inter-island vessels porcausa cay ya queda fuerte el marihada y viento na la mar desfues ya man landfall el tifun Vinta.
Si Dagalea ya abla cat hinde pa syempre sila dale advertencia resumi el viaje este dia causa cay grande lang syempre el marihada na la mar.
Abiso de Dagalea con el mga viajero que ya man stranded para volve lang anay na diila mga familia o conosido o fuede ser esta na terminal mientras esperando el siguiente travel advisory.- Bhong Simbajon/ RMN News
Facebook Comments
