Vice Ganda kag Ion Perez, naluha sang magbayluhanay sang ‘I love you’s’

Roxas City, Capiz – Nangin viral subong ang video kun sa diin makit-an nga napaluha ang rumored couple nga sanday Vice Ganda kag Ion Perez sa live episode sang isa ka noontime show matapos ang mga ini ang nagbayluhanay sang “I love you”
Halata naman nga natublag ang mga co-hosts sang mga ini nga sanday Anne Curtis kag Vhong Navarro.

Ang nasambitan nga emotional nga hitabo ang nagluntad sa Mr. Q&A contest sang amu nga noontime program sang nag-upod si Perez sa tatlo bilang regular “Kuya Escort.”

Ginhangkat ini nanday Vhong Navarro kag Anne Curtis kun paano siya maghambal sang “I Love You” kag Vice Ganda kun sila lamang nga duha paagi sa akig nga boses.


Diri na nangin emosyonal si Vice Ganda sang makit-an nga naluha si Perez.
“Bakit kayo nag-iiyakan?” Curtis asked. “Naiiyak na rin ako!”

Kasunod sini, isa ka group hug sa tunga sang apat ang natabo.

Sa madumdoman nga una nga nangin viral ang mga sweet photo nanday Perez kag Vice Ganda sang ang mga ini ang nagbakasyon sa Hollywood, California sadtong bulan sang Mayo.

Facebook Comments