BACOLOD CITY – Gin-announce na sang Love Negros ang ila kandidato sa pagka-Gobernador sa probinsya para sa 2019 elections.
Ini wala sang liwan kondi si Vice-Governor Eugenio Jose “Bong” Lacson.
Mismo si 3rd District Congressman Albee Benetiz ang naghimo sang announcement upod ang mga mayors sang Love Negros.
Kaina sang aga nagpatigayon sang pagtipon-tipon ang grupo para tuldukan ang madugay na nga pamangkot para sa ila kandidato sa pagka-gobernador.
Ginatugyan naman sang Love Negros sa UNegA ang pagpili sa vice-gubernatorial candidate bilang kabahin sang unification.
Facebook Comments
