Vice Governor Navarro sa Surigao Sur gisuspenso sa Sandiganbayan

55

Daku ang pagtoo ni Vice Governor Librado Navarro sa probinsya sa Surigao del Sur nga mabasura ang kasong Graft nga iyang giatubang didto sa Sandiganbayan.
Sa interview sa RMN DXBC Butuan gibutyag ni Vice Governor Navarro nga una nang gibasura sa korte ang administratibo’ng aspeto sa kaso mao’ng malaumon ang opisyal nga isunod usab pagbasura ang kasong criminal apan aminado kini’ng molungtad pa ug taas nga panahon sa pagdungog sa kaso.
Unang nagpakanaug ug 90 ka adlaw nga preventive suspension ang Sandiganbayan batok ni Vice Governor Navarro diin bolontaryo usab nga gidawat sa opisyal.
Nag-atubang ang opisyal ug kasong graft subay sa anomalosong pagpalit sa LGU Bislig city sa Hydraulic Excavator nga nagkantidad ug 14.75 milyon pesos dihang siya pa ang naglingkod isip Mayor sa naasyong syudad.
Gi-award sa RDAK Transport Equipment Inc, niadtong 2012 ang pagpalit sa kahimanan luyu nga wala kini makasunod sa technical specifications kalabot sa engine power, bucket capacity ug operating weight ug adunay notice of disallowance usab sa Commission on Audit (COA).
[image: navarro.jpg]

Facebook Comments

From Advertisers