*General Santos City— Arestado pinaagi sa warrant of arrest ang vice leader sa Platoon Cherry Mobile sa Guerilla Front 73 atol sa operasyon sa Sarangani Provincial Police Office uban ang militar.*
*Giila ni Police Lt. Col. Lino Capellan, tigpamaba sa Police Regional Office 12 ng dinakpan nga si Jonie Calaba Alyas Jepoy, 25 anyos nga taga Kalamansig, Sultan Kudarat.*
*Ang suspek ang may kasong arson. Ang nahisgutan ang naga-operate sa Gensan, Sarangani ug probinsya sa South Cotabato. Kung asa kini maoy responsable sa pagsunog sa mga heavy equipment sa Sultan Kudarat milabay’ng tuig 2015.*
*Gipaklaro man usab ni Pol. Lt. Col. Capellan nga dili tungod sa probinsya sa Sarangani sagad nadakpan ang mga wanted nga mga rebeldeng new people’s army, ilaha ng ginahimo nga taguan ang probinsya.*
*Saysay niya nga tungod sa daghang pwedeng agian sa Sarangani hilabina nga sagad niini kabukiran, dili gyud malikayan nga adunay mga mag-agi nga mga rebelde sa probinsya.*
*Gawas matud sa pag-agian nila, sagad sa maong mga lugar sama sa Gensan, Sarangani ug South Cotabato sa samang mga lugar usab nila ginahimo ang ilahang mga aktibidad.*
