Vice mayor Ganzon nanawagan sa mga empliyado kag opisyal sang syudad nga mangin responsible sa pagdala sang armas

ILOILO City – Nagapanugyan si vice mayor Jeffrey Ganzon sa mga opisyal sang syudad nga mangin responsible sa ila ginadala nga armas.

Suno sa bise alkalde, dapat bulontaryo na lamang nga magdeposito sang ila armas ang mga opisyal ukon ila bodyguard sa guardya sang Iloilo city hall.

Gin-ako ni Ganzon nga may katahap man ang mga gwardya nga magrekisa sa mga opisyal ukon bodyguard kun nagasulod sa city hall bangud kilala naman nila ang mga ini.

Panugyan sang bise alkalde indi magdala sang armas kun wala sang permit.

Ang pahayag ginhimo ni Ganzon kasunod sang gina-alegar pagkarecover sang armas kag granda sa mga security aide ni councilor Plaridel Nava sang gindakop sang kapulisan bilang mga suspek sa pagpatay kay Mercedes Nava.

Photo via IMT