CAUAYAN CITY – NANINIWALA SI ATTY. HAROLD RESPICIO NA NANANATILING KWESTYONABLE ANG SEGURIDAD NG SISTEMA NG HALALAN, KAHIT PA AYUSIN NG COMELEC ANG MGA PAGKUKULANG AT SUNDIN ANG LAHAT NG PANUNTUNAN.
PALIWANAG NI RESPICIO, KAHIT PA MAAYOS NA ISAGAWA NG COMELEC ANG REVIEW NG SOURCE CODE AT IPAKITA ITO SA LAHAT NG INTERESADONG PARTIDO, MAY POSIBILIDAD PA RING MAMANIPULA O MA-SPOOF ANG MGA IPAPAKITANG DATOS.
HALIMBAWA UMANO ANG PAGBIBIGAY NG HASH CODE, NA KAHIT IPAKITA SA COMPUTER NG AHENSYA AY MAAARI PA RING BAGUHIN O MANIPULAHIN ANG LUMALABAS NA IMPORMASYON.
DAGDAG PA NIYA, MAAARING SA AKTUWAL NA PROSESO NG PAG-AUDIT AY MAYROONG IPINAKITANG HASH CODE NA “1234,” NGUNIT ANG TOTOONG HASH NG GINAMIT NA SOFTWARE AY “ABCD.”
SA GANITONG SITWASYON, ANIYA, PUWEDENG MA-SPOOF AT MAIPAKITA SA MGA PARTIDO ANG MALING HASH NA SIYA NAMANG GAGAMITIN SA MGA ULAT NG SISTEMA.
AYON KAY RESPICIO, ITO ANG DAHILAN KUNG BAKIT NANANATILI ANG KANYANG PAGDUDUDA KAHIT PA MANGAKONG AAYUSIN NG COMELEC ANG KANILANG MGA PROSESO.
IGINIIT NIYANG DAPAT PAGTUUNAN NG PANSIN ANG POSIBILIDAD NG SPOOFING UPANG MATIYAK ANG INTEGRIDAD AT KREDIBILIDAD NG HALALAN.
