![carigara-leyte-1](https://i0.wp.com/rmn.ph/wp-content/uploads/2019/02/carigara-leyte-1.png?resize=696%2C522&ssl=1)
TACLOBAN CITY – Naatubang hin kaso hi Carigara, Leyte Vice Mayor Mildred Modesto ngan hi Councilor Rachel Makabenta tungod han gin aaligar paghimo hin affidavit han mga witnesses ha disqualification cases nga ira ginpasaka ha ira kontra.
Kaso nga perjury ngan falsification of public documents an ginakaka-atubang ni Macabenta ngan Modesto tungod han gin-aaligar paggamit hin witnesses ngan abugado ha Tacloban City.
Pero igindiwara han mga witnesses ngan abugado nga hira an nagpirma han affidavits nga gin gamit ni Macabenta ngan Modesto para pasakahan hin disqualification case ha Comelec hi incumbent Mayor Eduardo Ong Sr. ngan Eduardo Ong Jr., nga nakandidato pagka-Mayor ngan Vice Mayor ha Carigara.
Ha petitions, siring han defendants (Makabenta, Modesto) nga gin-aaligar an complainants (Ong Sr., Ong Jr.) in diri na-reside ha Carigara kundi nareside ha Brgy. Baliri, Barugo, Leyte tinikangan pa dida han tuig 2010.
Pero sumala kan Mayor Ong ngan anak hini, falsified affidavits an ginpasaka han defendants.
Gindiwara han usa nga witness nga hi Maritesse Rosales Cantojos nga hiya an pumirma han affidavits.
“I never did execute nor sign such affidavits.. the signatures appearing in both affidavits are not my signature nor does it resemble mine,”
Gindiwara gihapon ni Atty. Ulpiano Arpon Jr., nga hiya an nagnotaryo han affidavits han witnesses.
“I never did notarize said affidavit of witness.., and neither did such affiants appear before my office,” he said.
Sumala naman kan Dennis Garay, spokesperson ni Mayor Ong, natuod an pamilya Ong nga politika an rason han disqualification case. Ginkwestyon gihapon ni Garay an timing han disqualification kun diin lugod nagserbe hi Mayor Ong ha Carigara ha sakob han tulo (3) katuig kumo councilor ngan Mayor ha sakob han unom (6) katuig.