Pagadian City, Zamboanga del Sur—–Usa ka suwat ang gipadala ni Ozamis City Mayor Nova Princess ug iyang igsoon nga si Reynaldo Parojinog Jr human nga gibasura sa korte ang ilang hangyo nga makatambong sa lubong sa ilang mga ginikanan nga gikatakdang ilubong ugmang adlawa.
Sa suwat ni Nova iyang gisaysay nga walay kamatooran matud pa ang nangkatag nga impormasyon nga buot manimalos ang ilang mga sakop nga gawasnon pa gihapon ug kini buhaton matud pa atol sa lubong sa iyang mga ginikanan nga nakabsan sa mga kinabuhi nga silang Ozamis City Mayor Reynaldo Parojinog Sr. ug asawang si Susan dugang pa niya nga wala silay gahum aron kini buhaton.
Gipasiatab sab ni Nova sa iyang suwat nga walay kamatooran ang mga nakuhang ibendinsiya nga ilaha ang mga droga nakuha ingon man mga armas atol sa gihimong raid sa ilang panimalay, mihangyo sab kini ngadto kang PNP Chief Ronald Dela Rosa nga sila hatagan og higayon nga makakita sa uwahing panahon ngadto sa ilang mga ginikanan nga ilang masud-ong ayha paman ang lubong nga ipahigayong ugmang adlawa sa Malindang Cemetery diin ipahigayon una ang misa sa Immaculate Conception Cathedral. (Mel Coronel/ Kenneth Bustamante/dxpr News team
