Davao City- Gipaabot ni Davao City Vice Mayor Paolo “Pulong” Duterte ang iyang pahasubo ngadto sa mga pamilya kinsa namatayan sa mass shooting incident sa Las Vegas Nevada, USA, kagahapong adlawa.
Base sa opisyal nga post ni Pulong sa facebook kagahapon, gi-awhag niini ang mga dabawenyo nga mu-hanyag og mga pag-ampo ngadto sa mga nabiktima.
Panawagan usab sa bise alkalde nga kanunay mag-amping ug mag-ampo alang sa kalinaw aron malayo sa peligro ug kagubot.
Sa karon, base sa pinakaulahing update, miabot na sa 59 ang natalang patay samtang kapin 500 ang samaran gani padayon ang imbestigasyon sa kapulisan sa giingong “deadliest shooting” sa modern U.S. history.
RadyoMan Renz Barbarona
Facebook Comments
